Este xoves 10 de xullo, Santiago de Compostela acolleu un roteiro histórico e cultural que percorreu os pasos do ribeirense Julio Silva Vilas, destacado sindicalista, xornalista e activista republicano, asasinado polo réxime franquista en xaneiro de 1937.
A actividade, de carácter gratuito, partiu da Alameda de Santiago, xunto á coñecida estatua das Marías, e foi guiada polo historiador e profesor de ensino secundario José Antonio Pérez Fernández, autor do libro Diarios de Julio Silva, que recupera a memoria e os escritos deste activista silenciado pola represión franquista. O roteiro percorreu a praza do Toural, a rúa do Vilar e praza do obradoiro e rematou fonte os vaixoa de Raxoi onde estiva o cárcere e estivo detido o ibeirense antes de ser executado no camposanto de Boisaca.
Este roteiro supuxo unha oportunidade única para afondar na historia local ribeirense e na vida dun personaxe clave do republicanismo local cuxo compromiso coa liberdade, a cultura e a xustiza social marcou unha época convulsa e determinante da historia contemporánea de Galicia.
Julio Silva
A actividade estivo organizada por Nova Escola Galega, en colaboración coa Revista Galega de Educación c contou coa colaboración da CRMH BARBANZA e nela participaron unhas vinte persoas.
