Co arrinque do mes de xullo, o Concello de Porto do Son informou de novos traballos realizados nas parroquias co obxectivo de mellorar os servizos básicos para a veciñanza e avanzar en accesibilidade, mobilidade e seguridade viaria.
Entre os labores desenvolvidos neste comezo de xullo polas brigadas municipais figurou o acondicionamento de accesos no núcleos de Valcunqueiro, na parroquia de Goiáns.
Tamén, a mellora dos accesos no núcleo de Seráns, na parroquia de San Pedro.
Ao devandito engadiuse a posta a punto das beirarrúas da AC-550 entre os núcleos de Xío e o Lagarto.
A maiores, o Concello de Porto do Son acondicionou os accesos no núcleo de Cabanela e na contorna da súa fonte, na parroquia de Noal.
Informar tamén de ampliacións no viario no núcleo do Souto, na parroquia de Miñortos, co obxectivo de mellorar a mobilidade e garantir a seguridade de viandantes e condutores.
