O Concello de Rianxo vén de comunicar a licitación do proxecto para a mellora da eficiencia enerxética no Campo de Fútbol Municipal da Lomba (Taragoña). Segundo informou o Executivo local de Julián Bustelo, o proxecto permitirá mellorar a iluminación do terreo de xogo cun novos focos con tecnoloxía LED e substituír o actual sistema de calefacción por outro de menor consumo enerxético. Para acometer esta actuación o Concello de Rianxo conta cunha subvención da Consellería de Presidencia, Xustiza e Deporte da Xunta de Galicia por importe de 60.000€.
