A directora xeral de Xuventude, Lara Meneses Álvarez, visitou este sábado 5 de xuño o Galicia Rompe (Rompetiño Jump) edición 2025, cita para a mocidade que converte Porto do Son, cada ano polo verán, no referente dos deportes e a cultura urbana.
Durante o percorrido estivo acompañada polos membros da organización e pola tenente de alcalde de Porto do Son, María Maroñas; o concelleiro de Deportes e Xuventude, Carlos Lorenzo, e pola concelleira de Cultura, Alicia Martínez.
Visitaron toda a zona deportiva, os stands e a área de concirtos.
Esta nova edición do Rompetiño Jump destacou pola presenza de artistas de renome nacional e internacional como Soto Asa, Raúl Clyde, Disobey e Arce. O festival mantivo ademais o seu compromiso co talento emerxente e coa escena local, con concertos de balde con grupos como Leite con Jalletas, Capitán Sabrosura e Paco de Leña.
O festival redobrou nesta edición a súa aposta polo deporte e a cultura urbana, cunha ampla oferta de competicións de BMX, skate, breakdance e baloncesto 3×3, así como de exhibicións abertas a todos os públicos e deseñadas para gozar en familia.
Desenvolveuse este venres e este sábado (4 e 5 de xullo) convocando boa parte dos novos talentos deportivos, musicais e artísticos máis sobranceiros do panorama galego, estatal e internacional.
No capítulo musical de Galicia Rompe, o recinto contou coa presenza de Disobey, Soto Asa, Albany, Israel B, Ill Pekeño & Ergo Pro, Arce, Raul Clyde, Ben Yart, John Pollón, Dirty Suc, Metrika, Hecky, D. Valentino, Selecta, C Marí, Tarchi, Kike Varela, PGJ e Carlota.
O evento vén dan do equipo Rompetiño coa colaboración da Xunta, Fest Galicia, Abanca, a Deputación da Coruña, Xacobeo e, por suposto, o Concello de Porto do Son, entre outras empresa e institucións.
