A Feira do Libro de Rianxo celébrase esta semana, entre o 24 e o 27 de xullo no seu emprazamento habitual, na praza de Castelao. Haberá, como de costume, postos de venda de libros e unha axenda de actividades paralelas como charlas, encontros con autores, presentacións de libros, narracións orais, concertos e actividades para a rapazada.
A lectura do pregón a será o mércores 24 de Xullo ás 13.00 horas, coa intervención musical a cargo do cuarteto da Escola de Música de Rianxo e pregón a cargo do escritor Óscar Reboiras. Previamente, o mago Antón achegará o espectáculo 50 (1975-2025) no Paseo da Ribeira, en dúas quendas: ás 11.00 e ás 12.30 horas.
A feira estará aberta en horario de 12.00 a 14.00 horas e de 18.30 a 22.30 horas (fins de semana e festivos a feira pechará pola mañá ás 14.30 horas).
Participarán as seguintes librarías: ULA Libraría Social (Outes), Libraría Cartabón, Libraría Pedreira, Libraría Agrasar – Monforte, A Gata Tola, A Libraría De Rosa-Nobel Boiro e Librería Cándido.
Haberá descontos do 10% no prezo dos libros.
O programa ao completo pódese consultar na web da Federación de Librarías de Galicia, organizadora da feira itinerante.
