Este venres 11 de xuño haberá no Pazo de Goiáns (Boiro) unha nova visita teatralizada e comentada a cargo de Os Quinquilláns, a partir das 20.30 horas.
Estas visitas comentadas están dirixidas a mostrar polo miúdo, dun xeito divertido e tamén divulgativo, os importantes tesouros arquitectónicos e ambientais do pazo e, tamén, a súa historia no tempo.
O programa vén da man do Concello de Boiro e as sesións serán conducidas novamente polo grupo Os Quinquilláns, compañía teatral especializada no teatro de rúa e infantil, que conta cunha longa experiencia recreando algúns dos fitos máis destacados da nosa historia e da nosa cultura.
As visitas estanse a levar a cabo nos meses de maio, xuño e xullo.
Estas visitas, que se veñen realizando na época estival, teñen como finalidade coñecer o noso patrimonio e a historia de Goiáns a través das personaxes que o habitaron.
Para participar é necesario inscribirse previamente na Casa da Cultura de Boiro ou no 981 84 84 25.
Inscrición previa na Casa da Cultura de Boiro.
