Os ceos estarán parcialmente nubrados no norte, onde se agarda a posibilidade de precipitacións febles, especialmente nas horas centrais. Pola contra, o sur de Galicia manterase con alternancia de nubes e claros, e mesmo ceos despexados no extremo sur.
As temperaturas experimentarán un acusado descenso na metade norte, mentres que no sur os valores térmicos se manterán máis elevados. Esta situación deixará unha marcada diferencia térmica entre comarcas, especialmente entre as provincias da Coruña e Lugo respecto a Ourense e Pontevedra.
O vento soprará frouxo de compoñente norte, aínda que será moderado no litoral entre Fisterra e A Guarda, contribuíndo á sensación de fresco nas zonas costeiras do Atlántico.
O noso mar: Vento do norte á mañá e á noite e do noroeste á tarde, forza 3 a 4 á mañá, 4 a 5 á tarde e 3 a 5 á noite. Marusía á mañá e á noite e forte marusía á tarde. Visibilidade boa. Mar de fondo do noroeste, con ondas de 0.5 a 1.5 metros.
