Este venres arrincan finalmente as Festas do Verán 2025 de Boiro, que se van desenvolver do 4 ao 9 de xullo. O programa de actividades engloba propostas tradicionais, tributos, grandes orquestras e iniciativas para a mocidade en tres escenarios distintos. En palabras do Concello, a axenda busca este ano “dar continuidade ao que vimos facendo os últimos anos, unha programación pensada para todos os grupos de idade”.
O programa comeza o venres 4 de xullo co pregón que este ano estará presentado por Luis Zahera e estará dedicado á mocidade boirense que destaca en ámbitos como a ciencia, a moda, a innovación, a arte, o deporte. Logo, a verbena da praza de Galicia será a cargo da New York, e no parque da Cachada terá lugar a V Remember Fest. Ademais, no Centro Social acutarán Mondedapena e Curi&Soundivan.
O sábado 5 celebrarase a tradicional malla do centeo cos grupos Lumieira, Os Pequenos do Barbansa e Aroña. Na praza de Galicia a verbena da noite estará amenizada polo tributo a Joaquin Sabina e La Banda de Ayer; e na praza do Centro Social actuará De Ninghures.
O domingo será o día do gran espectáculo piromusical ás 00.00 horas na praia de Barraña que este ano contará coa actuación de Fran Sieira e na praza de Galicia haberá verbena con Origen e Suavecito.
Para o luns, o día das peñas, Peñas Boiro AC ten preparados os xogos peñeiros na Cachada con actuación de The Cuncas e tamén DJ Enter, Marcos Magán, Soundivan e Places. Na praza de Galicia haberá verbena con Assia e Tributo a U2; e na praza do Centro Social Uxía Lambona.
O martes a verbena estará amenizada por Paris de Noia e Marbella; os grupos tradicionais Arume, A Dorniña de Abanqueiro e Xoaniñas, terán tamén un oco no programa do martes e na praza do Centro Social Pava e Señora DJ.
A Panorama e DJ Matrek serán os encargados de poñer o broche final ás festas do verán o mércores 9 de xullo cunha gran verbena na praza de Galicia; mentres que Hugo Guezeta actuará na praza do Centro Social.
PROGRAMA DAS FESTAS DO VERÁN
Venres 4 de xullo
20.00h – Foguetes dando comezo ás Festas de Boiro 2025
20.30h – Ruada coa charanga BB+
22.00h – Pregón en homenaxe á mocidade referente boirense na Praza de Galicia
22.30h – Verbena coa orquestra New York na Praza de Galicia
23.00h – Concerto: Montedapena + Curi na Praza da Terceira Idade
23.00h – V Remember fest e Peñas Boiro AC no Parque da Cachada
Sábado 5 de xullo
10.00h – Alborada a cargo de Os Pequenos do Barbansa
12.00h – Festa da malla na Praza de Galicia coa Asociación Abrañeira, baile galego con Pedra da Aroña e concerto de Lumieira
22.30h – Verbena coa orquestra La banda de Ayer na Praza de Galicia
23.00h – Concerto: De Ninghures na Praza da Terceira Idade
24.00h – Concerto tributo a Joaquin Sabina na Praza de Galicia
Domingo 6 de xullo
10.00h – Alborada a cargo de Ar de Loureda
12.00h – Baile galego con Abeloura, Xilbarbeira e grupo de baile de Abanqueiro na Praza da Terceira Idade
12.00h – Sesión vermú co grupo Tregua na rúa peonil
20.00h – Concerto da Banda de Música de Rianxo na Praza da Terceira Idade
22.00h – Verbena coa orquestra Suavecito na Praza de Galicia
24.00h – Gran espectáculo piromusical con Fran Sieira na praia de Barraña
01.00h – Orquestra Origen na Praza de Galicia
Luns 7 de xullo
10.00h – Alborada a cargo do grupo Arume
12.00h – Cantos de taberna cos grupos Os da Boina e Mar de Cabo
12.00h – Día das Peñas no Parque da Cachada: Xogos peñeiros, festa infantil, festa da auga e mangueirazo de honra, sesión vermú, xantar peñeiro e sesión DJ
21.00h – Concerto familiar con Uxía Lambona e a Banda Molona na Praza da Terceira Idade
22.30h – Verbena orquestra Assia na Praza de Galicia
23.30h – Tributo a U2 na Praza de Galicia
Martes 8 de xullo
10.00h – Alborada a cargo do grupo Arume
12.00h – Cantos de taberna con A Dorniña de Abanqueiro e Xoaniñas
22.30h – Verbena coa orquestra Marbella na Praza de Galicia
23.00h – Concerto de Pava + Señora DJ na Praza da Terceira Idade
24.00h – Orquestra Paris de Noia na Praza e Galicia
Mércores 9 de xullo
10.00h – Alborada a cargo do grupo Arume
12.00h – Cantos de taberna con Nunca é Tarde e Aires do Marbella
13.00h – Sesión vermú con The Cuncas na rúa peonil
22.00h – Show de DJ Matrek na Praza de Galicia
23.00h – Concerto de Hugo Guezeta na Praza da Terceira Idade
23.00h – Orquestra Panorama na Praza de Galicia
2.30h – Fin de festa con DJ Matrek na Praza de Galicia
