Os bombeiros do Parque Provincial de Ribeira foron alertados na noite deste mércores 2 de xullo, arredor das 23:30 horas, para a retirada dunhas chapas soltas no tellado dun edificio da rúa Miguel Rodríguez Bautista, no concello de Ribeira, con risco de caída á vía pública.
Unha vez acceden ao tellado, os bombeiros provinciais comproban que está sendo cambiado e que o que está solto son os cumes. Unha vez detectan cales son, procederon a aseguralos para evitar a caída. Ademais, notifican da necesidade de avisar á empresa encargada dos traballos para solucionar este problema, agravado polo forte vento reinante.
Completou o operativo a Policía Local de Ribeira.
