A actividade levarase as fines de semana de xullo e agosto, celebrándose a primeira este sábado, día 19.
O Concello da Pobra do Caramiñal lanza, un verán máis, unha das súas propostas estrela: excursións en grupo reducido a bordo dun veleiro pola ría de Arousa, a máis extensa de Galicia. A actividade, plenamente consolidada no programa da Concellería de Turismo, comezará este sábado 19 de xullo e prolongarase durante os fins de semana ata o 24 de agosto.
Durante unha hora e media, as persoas participantes embarcarán no Mascato, veleiro de 11 metros de eslora, para vivir unha travesía pensada para un máximo de dez pasaxeiros. Como explica a concelleira Estefanía Ramos, “falamos de viaxes case personalizadas para garantir que a experiencia sexa o máis individualizada posible”.
As quendas dispoñibles serán:
- Ás 11:00 h
- Ás 13:00 h
- Ás 17:00 h
- Ás 19:00 h
Inscricións: Casa Mariñeira (parque do Castelo) ou no correo turismo@apobra.gal
Info adicional: 671 090 262 / 687 482 835 / 981 843 280 (ext. 2035)
Aventura extra: Este domingo 20 de xullo tamén haberá unha excursión en catamarán á illa de Sálvora, dentro do programa de viaxes ás Illas Atlánticas. Reservas a través de www.piratasdenabia.com ou chamando ó 986 32 00 48.
