A EMR Big Band (a Big Band da Escola de Música de Rianxo) encheu na noite deste martes 29 de xullo a céntrica praza Rafael Dieste da vila rianxeira co concerto inaugural do Festival Noites de Jazz. O concerto deste martes, que foi un éxito de público, foi o punto de partida do festival pero tamén o colofón ao Curso de Big Band impartido durante todo o mes de xullo na Escola de Música de Rianxo incluíndo materias como historia do jazz, teoría aplicada, técnicas instrumentais, improvisación e repertorio.
Lembrar tamén, no capítulo formativo, que do 26 ao 30 de xullo Francisco Muñiz imparte un curso de baile de swing no Cuartel Vello. Rematará cun baile social de clausura o 2 de agosto na praza Rafael Dieste.
Concertos – praza de Rafael Dieste – 22.00 h
29 de xullo: Big Band da EMR.
30 de xullo: Pablo Sanmamed Trio + Benxamín Otero, galardoados co Premio Martín Códax 2024.
31 de xullo: Swing Titáns, homenaxe á época dourada do swing.
1 de agosto: Sumrrá, trío galego máis internacional, celebra o seu 25 aniversario cun repertorio dos seus mellores temas.
Podemos consultar todo o programa na páxina web do Concello de Rianxo.
