Este sábado 26 de xullo pola mañá a Alameda de Noia (Campo da Feira) vaise converter no epicentro do deporte galego. Será grazas á nova edición da Feira do Deporte en Noia, que se celebra entre as 10.00 e as 14.30 horas constituíndose como “un espazo de encontro para coñecer e gozar coas diferentes disciplinas deportivas que temos na nosa vila”. Haberá stands de clubs e entidades deportivas de Noia, actividades e, segundo adiantan dende a organización (a Área de Deportes do Concello de Noia), “moita enerxía positiva”.
