Este venres, as Rías Baixas quedaremos entre altas e baixas presións, coa entrada de aire cálido desde o sur, o que manterá un ambiente agradable e cálido.
Durante a xornada, os ceos estarán con nubes altas, deixando pasar o sol en moitos momentos. Porén, pola tarde medrarán nubes de evolución, sobre todo no interior da provincia de Pontevedra, o que podería provocar algún chuvasco tormentoso illado, aínda que de carácter puntual.
Ademais, as brétemas farán acto de presenza durante a madrugada e primeiras horas do día na costa, especialmente nas rías de Vigo, Pontevedra e Arousa. Estas volverán á noite, afectando á visibilidade nas zonas costeiras.
As temperaturas mínimas experimentarán un lixeiro descenso, mentres que as máximas se manterán sen grandes cambios, con valores agradables que superarán os 25 °C en boa parte da comarca.
Os ventos soprarán frouxos de compoñente norte, con posibles variacións locais. No interior, especialmente nas zonas máis achegadas a Ourense, poderían sentirse ventos do sur con algo máis de intensidade.
O noso mar; Vento do noroeste á mañá e do noroeste á tarde e á noite, forza 2 a 3 á mañá e 2 a 4 á tarde e á noite. Mar ovellado á mañá e marusía á tarde e á noite. Visibilidade boa á mañá e á tarde e regular á noite. Mar de fondo do noroeste, con ondas de 0.5 a 1.5 metros á mañá e á tarde e 0.5 a 1 metros á noite.
