Unha persoa resultou ferida este sábado tras sufrir unha saída de vía na estrada*DP-1106, á altura de Abanqueiro, no municipio de Boiro. O accidente produciuse no punto quilométrico 2,600, cando o vehículo saíuse da calzada pola marxe dereita.
Ata o lugar do sinistro desprazáronse os bombeiros do Parque Provincial de Boiro, que participaron na intervención xunto a efectivos do 061, Garda Civil de Tráfico, Policía Local e o Servizo Municipal de Emerxencias e Protección Civil de Boiro.
O ferido foi atendido no lugar polos servizos sanitarios e posteriormente trasladado a un centro hospitalario. Polo momento, descoñécense as causas exactas do accidente, que están a ser investigadas polas autoridades competentes.
