O Campo de Revelar (A Boliña, Boiro) acollerá este sábado 14 de xuño unha nova actividade de lecer para a rapazada: o espectáculo circense para público infantil e familiar Clownamorado, a cargo de Rudi Dudi. Será ás 17.00 horas e encádrase no marco da nova edición das Festas da Boliña.
Ficha artística
Elenco espectáculo
Rudi Josef Gerard Vanminsel
Dirección
RJG Vanminsel
Duración minutos
55min
Sinopse
Sobe o pano, comeza a función. Pero nada máis arrincar, o clown namórase tolamente dunha persoa do público. O seu corazón vai a mil, ponse tímido e nervioso e perde a concentración. O show cambalea e todo sae do revés, canto máis intenta impresionar ao/a seu/súa namorado/a, máis aumenta o caos. Ata que un tropezo lévao a un xogo inesperado que o arma coa suficiente valentía para dar o salto ao baleiro e declararse coa axuda imprescindible do público… Levará un pau? Ou xurdirá o amor? Unha comedia xestual e interactiva para toda a familia.
