A Asociación de Veciños do Santísimo Sacramento de Rianxo preparou para o vindeiro domingo 22 de xuño unha intensa programación festiva que rematará cunha verbena na praza de Castelao. Ademais, residentes e visitantes poderán desfrutar das tradicionais alfombras florais en diversas rúas da vila elaboradas pola veciñanza rianxeira.
A axenda de actividades das Festas do Santísimo Sacramento comezará pola mañá cunha ruada a cargo da Escola de Música de Rianxo. Ás 11.30 horas haberá unha misa solemne de Corpus e comuñóns. Máis tarde, sobre as 14.00 horas, celebrarase unha sesión vermú amenizada polo grupo Salsarena
Pola tarde, ás 19.00 horas, haberá unha misa vespertina acompañada polo Coro Abraira de Asados e logo celebrarase unha procesión coa Escola de Música de Rianxo.
Pola noite haberá verbena amenizada novamente polo grupo Salsarena.
Haberá alumeado e fogos artificiais.
As festas contan coa colaboración do Concello de Rianxo.
