O Concello de Rianxo decidiu ampliar as prazas inicialmente previstas do Campamento Concilia Verán 2025 coa finalidade de “atender a gran demanda de prazas por parte das familias rianxeiras durante a vindeira tempada estival”, informaron fontes do Consistorio.
O campamento, destinado á rapazada de entre 3 e 12 anos co obxectivo de achegarlles alternativas de lecer e creativas durante o verán, desenvolverase no IES Félix Muriel, no CEIP Ana María Diéguez e no CEP Brea Segade dende o 23 de xuño ata o 29 de agosto. As persoas admitidas deberán realizar o pagamento entre os días 9 e 17 de xuño, ambos incluídos. As listaxes provisionais de admitidos poden consultarse na web municipal.
Ademais, contarase con Plan Madruga e con servizo de transporte para facilitar os desprazamentos dos nenos e nenas que participen. Toda a información, así como o formulario de inscrición, está xa dispoñíbel na páxina web do Concello de Rianxo.
