Peñas Boiro AC, no marco da programación das Festas do verán 2025, contará con dúas citas con programación específica que terá lugar no Parque da Cachada. O alcalde, José Ramón Romero, e a concelleira de Cultura, María Outeira, presentaron este venres 20 de xuño o programa xunto do presidente de Peñas Boiro AC, David Laíño.
A primeira delas celebrarase o venres 4 de xullo coa V Remember Fest, que comezará cunha ruada peñeira a partir das 20.30 horas coa charanga BB+ e a partir das 23.00 horas no Parque da Cachada Euphoria Disco Show con Paco Vulkano, Soniko DB e Xacobo DJ.
O 7 de xullo celebrarase o XVII Luns das Peñas, que comezará ás 11.30 horas coa xuntanza das peñas no Parque da Cachada e ás 12.00 horas terán lugar os xogos peñeiros e a festa infantil; ás 13.45 horas festa da auga con mangueirazo e sesión musical; vermú con The Cuncas e comida peñeira. A partir das 17.00 horas Soundivan, Marcos Magán, DJ Enter e Places.
