O Concello de Boiro aumenta o horario dos distintos servizos e recursos turísticos para atender a demanda de visitantes durante a época estival. O Pazo de Goiáns e o punto de información turística do Paseo Marítimo de Barraña prestaran servizo durante a semana.
O punto de información turística do paseo marítimo de Barraña estará en servizo de martes a sábado en horario de 12.00 a 14.00 horas e de 18.30 a 20.30 horas e funcionará como un punto de información auxiliar da Oficina de Turismo situada na Casa Consistorial de Boiro con información sobre os principais recursos do municipio.
O Pazo de Goiáns estará aberto os martes de 18.00 a 21.00 horas, de mércores a sábado de 11.30 a 13.30 horas e de 18.00 a 21.00 horas e os domingos de 11.30 a 13.30 horas. Ademais ofrécense visitas guiadas os martes ás 18.15, 19.15 e 20.15 horas; de mércores a sábado ás 11.45 e 12.45 horas e ás 18.15, 19.15 e 20.15 horas; e os domingos ás 11.45 e 12.45 horas.
A duración das visitas é de 45 minutos e para participar é necesario reservar previamente na Oficina de Turismo da Casa Consistorial de Boiro, no punto de información turística do paseo marítimo de Barraña ou no teléfono 981 84 26 54.
