Esta semana, o venres 20 de xuño a partir das 20.30 horas, continúan en Boiro as visitas teatralizadas ao Pazo de Goiáns, dirixidas a mostrar polo miúdo, dun xeito divertido e tamén divulgativo, os importantes tesouros arquitectónicos e ambientais do pazo e, tamén, a súa historia no tempo.
O programa vén da man do Concello de Boiro e as sesións serán conducidas novamente polo grupo Os Quinquilláns, compañía teatral especializada no teatro de rúa e infantil, que conta cunha longa experiencia recreando algúns dos fitos máis destacados da nosa historia e da nosa cultura.
As visitas estanse a levar a cabo nos meses de maio e xuño.
Estas visitas, que se veñen realizando na época estival, teñen como finalidade coñecer o noso patrimonio e a historia de Goiáns a través das personaxes que o habitaron.
As visitas desenvolveranse os días 8 de xuño ás 16.00 horas, o 20 de xuño ás 20.30 horas e o 26 de xuño ás 20.30 horas. Para participar é necesario inscribirse previamente na Casa da Cultura de Boiro ou no 981 84 84 25.
Inscrición previa na Casa da Cultura de Boiro.
