O Concello de Boiro reparte caixas agasallo para os bebés nados no ano 2025 no marco das accións de dinamización demográfica que está a levar a cabo o equipo de Goberno local. O alcalde, José Ramón Romero, e o concelleiro de Política Social, Raúl Treus, coñeceron o contido das caixas que xa se están a entregar
Co obxectivo de apoiar ás familias e fomentar o crecemento da poboación, unha acción simbólica e práctica para das a benvida aos novos rapaces e rapazas empadroados no municipio. As caixas inclúen unhas tarxetas de estimulación visual, unha bolsa téxtil, un dominó de animais, marionetas de dedos, imán personalizado…
Esta iniciativa complementa as accións de dinamización que o Concello de Boiro está a levar a cabo co obxectivo de superar os 20.000 habitantes. Nas próximas semanas abrirase tamén a convocatoria de axudas para bebés acabados de nacer dun máximo de 300 euros por familia para compras de alimentación infantil, produtos de hixiene ou mobiliario para bebés.
