O Concello de Boiro, no marco do programa e actividades Muller e Saúde, promove un obradoiro de autodefensa persoal para mulleres. A actividade desenvolverase o sábado 21 de xuño en horario de 9.30 a 13.30 horas no Pavillón de Barraña.
O taller está destinado a mulleres maiores de 16 anos e busca apoderar ás participantes mediante técnicas de defensa física e estratexias preventivas. Trátase dunha actividade de adestramento físico e psíquico para crear protocolos de actuación cara diversas situacións de violencia de xénero, informou o Concello.
As inscricións están abertas e poden facerse no Centro de Información á Muller mediante o enderezo electrónico cim@boiro.org ou o teléfono 981 84 48 00 ext. 1285.
