Este mércores 4 de xuño o alumnado da especialidade de Forestal do Obradoiro de Emprego Tahume X, iniciativa de capacitación e inserción laboral dos Concellos de Ribeira e Porto do Son, tivo a oportunidade de descubrir os segredos dunha proxección en alza: a profesión de arborista. Todo grazas ao convite do equipo directivo do Obradoiro de Emprego de Boiro (Torre de Goiáns IV). Especialistas de diferentes países realizaron unhas explicacións e demostracións que foron todo un descubrimento para o alumnado no que destacaron as normas de seguridade e compañeirismo.
Nesta fin de semana celebrarase a XXI edición del Campionato Nacional de Trepa de Árbores no concello de Boiro; o obradoiro tivo o privilexio de observar un adianto do mesmo. Ademais aproveitando o encontro dos obradoiros, o alumnado de TahumeX puido coñecer algúns dos traballos que realiza o Obradoiro de Boiro no Pazo de Goiáns, grazas ás explicacións de Emilio Saborido nun percorrido guiado pola contorna que incluíu, tamén, unha pequena lección de historia.
