Os bombeiros do parque provincial de Ribeira foron solicitados esta tarde por un accidente de tráfico no quilómetro 33 da AG-11, ao seu paso polo concello da Pobra do Caramiñal, resultando ferida leva unha persoa. Participaron Policía Local, Garda Civil, 061 e persoal de mantemento de estradas.
Por outra banda tamén na Pobra un ciclista resultou ferido esta tarde, o 112 Galicia tivo constancia do atropelo a un ciclista na estrada da Silva, na parroquia de Santa María do Xobre ou o Maño. Foi o persoal de Urxencias Sanitarias de Galicia-061 o que alertou ao Centro Integrado de Atención ás Emerxencias minutos despois das 14 horas, e explicou que estaban a mobilizar o seu helicóptero medicalizado con base en Santiago, que tomou terra no lugar do accidente. No operativo tamén participaron a Garda Civil de Tráfico e a Policía Local da Pobra do Caramiñal.
