A comarca e as Rías Baixas comezarán a semana cun tempo moi agradable grazas á influencia das altas presións situadas ao norte de Galicia, que favorecerán a entrada de aire cálido desde o sur peninsular.
Este luns, agárdase unha xornada de intervalos de nubes altas e néboas matinais, especialmente nas zonas costeiras e vales interiores. Con todo, a medida que avance o día, os ceos tenderán a quedar despexados, permitindo disfrutar do sol en boa parte da comarca.
As temperaturas experimentarán un ascenso moderado, alcanzando valores altos nas horas centrais do día, con máximas que poderían superar os 26-30 ºC en concellos como Ribeira, Vilagarcía, Sanxenxo ou O Grove. A sensación térmica será de pleno verán.
O vento soprará frouxo de compoñente norte no interior, mentres que no litoral das Rías Baixas será moderado do nordés, aínda que as rachas máis fortes quedarán concentradas entre Bares e Fisterra, fóra da zona.
Será, en definitiva, un luns marcado pola estabilidde atmosférica, o ambiente seco e a subida térmica, ideal para comezar a semana con bo tempo na comarca.
O noso mar: Vento do norte á mañá, do noroeste á tarde e do nordés á noite, forza 2 a 4. Marusía. Visibilidade boa. Mar de fondo do noroeste, con ondas de 0.5 a 1.5 metros.
