A firme enerxética Iberdrola puxo en marcha un punto de atención en Noia. O obxectivo da compañía é achegarse no día a día aos seus clientes para mellorar os servizos que presta, ademais de “proporcionar un lugar de asesoramento personalizado tanto para empresas como para particulares”, sinalou a empresa, engadindo que “dende estas instalacións ofrécese información sobre plans enerxéticos, asesórase sobre zonas de recarga para vehículos eléctricos e a súa instalación en domicilios, climatización e rehabilitación enerxética, comunidades solares, o servizo Asistente Smart, que permite controlar e aforrar no consumo, ou novos sistemas de calefacción con aerotermia”.
Ademais, comercialízase electricidade, gas e todos os produtos enerxéticos da compañía.
O punto de atención está situado na Rúa Pontevedra 3, e o seu director é Nel Sinhue García. A compañía activou tamén dúas novas oficinas máis, en Ferrol e Ordes.
Borja Cancela, delegado comercial de Iberdrola en Galicia, destacou que “o noso obxectivo é facer chegar todos produtos enerxéticos da compañía de forma próxima e poder adecualos ás necesidades que ten cada cidadán. Traballamos para promover a eficiencia, o aforro enerxético e o coidado do medio ambiente, e trasladarllo aos nosos clientes con fórmulas máis próximas e humanas a través dun trato totalmente personalizado”.
Engade que desde o novo punto de atención “ofrécese un servizo máis próximo á hora de realizar diferentes xestións como cambio de contas ou titular, renovación de descontos, información de bono social, cambio de tarifa ou de potencia entre outros”.
