A parroquia boirense de Bealo celebra esta fin de semana, do venres 27 ao domingo 29 de xuño, as Festas de San Pedro, unhas celebracións que xa comezaron o domingo 22 de xuño (Día do Santísimo Sacramento, con misa solemne na igrexa parroquial e música) e que proseguen este venres 27, Día de San Antonio, cunha misa solemne na igrexa parroquial e unha verbena nocturna con Kalima 3.0 e Unión y Fuerza.
O sábado 28 de xuño, Día da Virxe do Carme, celebrarase ás 20.30 horas unha procesión ata a aldea de Bealo, onde se celebrará (sobre as 21.00 horas) unha misa solemne. Máis tarde será a quenda da verbena con Sinfonía, The Cuncas e Disco Mobil DJ Brais.
Polo que respecta ao domingo 29 de xuño, Día de San Pedro, comezará cunha misa solemne (ás 13.30 horas) amenizada con banda de gaitas seguida dunha sesión vermú con cantina, pinchos e amenizada pola solista Angie. Pola noite haberá verbena con Escaparate e Dúo do Swing Arcoiris.
Haberá polbo á feira e atraccións para a rapazada todos os días da celebración.
