A Real e Ilustre Confraría da Dorna de Ribeira, responsábel da Festa da Dorna, anunciou a veciños e visitantes que este sábado 28 de xuño vai estar instalada no porto, na contorna do antigo palco de pedro, un posto de venda de suadoiros dorneiros, edición 2025. Para quen sexa socio da Confraría, deberá estar minutos antes das 11.00 para solicitar a súa prenda de roupa. Os descontos aplicaranse sobre un dos suadoiros adquiridos, aínda que poderán mercar un máximo de catro. A atención ao público en xeral (non sosios) do posto de venda comezará sobre as 11.30 horas.
