O Concello de Boiro abre o prazo de solicitude de insercións publicitarias das empresas na Revista Folía 2025, a revista das Festas do Verán. O prazo de solicitude está aberto ata o 13 de xuño e poderase facer mediante o Rexistro Xeral ou Sede Electrónica.
O obxectivo desta convocatoria é “que empresas e entidades interesadas en promocionar os seus negocios poden solicitar espazos publicitarios na revista das festas”. Os prezos van dende os 30 euros para 1/8 de páxina A4; 200 euros para anuncios de páxina A4 e 400 euros no caso da páxina A4 en contraportada.
O prazo de solicitude estará aberto dende o día seguinte ao da publicación do anuncio e ata o 13 de xuño e deberase facer presentando no Rexistro Xeral do Concello de Boiro unha instancia xeral xunto co xustificante do pago das taxas. O BOP do 9 de xuño publica os prezos para a contratación de espazos publicitarios.
Máis información no Centro Social de Boiro, teléfono 981 84 26 35.
