A Asociación Ambar das persoas con diversidade funcional puido realizar o seu programa de conservación das instalacións da fachada do Centro de Recursos, sede da entidade inclusiva emprazada no lugar de Frións (Carreira, Ribeira). A asociación informou que este proxecto é posíbel co co-finaciamento da Xunta de Galicia a través dos fondos do 0.7% do IRPF xestionado dende COGAMI. O obxectivo é “mellorar o estado da cuberta e fachada eliminando as filtracións e ampliando a cuberta de acceso ó centro”.
Ambar explica que melloráronse substancialmente as condicións físicas do Centro de Recursos, contribuíndo á calidade dos servizos prestados a persoas con diversidade funcional. As actuacións realizadas solucionaron problemas estruturais de humidade e filtracións, melloraron a accesibilidade e confort nos accesos, e aseguraron a conservación a medio e longo prazo das instalacións.
Os resultados obtidos compren os obxectivos previstos, e tanto o equipo técnico como as persoas usuarias manifestaron unha valoración positiva das melloras realizadas. Ambar conseguiu, a través deste programa, beneficiar a 89 persoas usuarias.
