Este venres ecuperaramos a influencia anticiclónica con circulación do nordés. Teremos pois ceos despexados e nubes baixas nas primeiras horas, especialmente en zonas próximas á costa. Co avance da mañá, tenderán a despexarse.
As temperaturas experimentarán un moderado ascenso (11/27). Os ventos soprarán frouxos do nordés, sendo moderados no litoral, fortes en Bares ó final do día.
O noso mar: Vento do nordés á mañá, do norte á tarde e do nordés á noite, forza 1 a 3 á mañá, 4 a 5 á tarde e 2 a 4 á noite. Mar ovellado á mañá, forte marusía á tarde e marusía á noite. Visibilidade boa. Mar de fondo do noroeste, con ondas de 0.5 a 1 metros á mañá, 1 a 1.5 metros á tarde e 1.5 a 2 metros á noite.
