Este domingo 11 de maio vaise celebrar en Asados (Rianxo) unha mesa coloquio sobre a nosa lingua e complexa realidade na que está mergullada, sen que exista garantía algunha de remuda xeracional no seu uso normalizado e con grandes e importantes ausencias en ámbitos como o económico ou o xurídico e as contornas máis urbanizadas.
A mesa Uso e conhecemento do galego, convocada pola plataforma Queremos Galego do Barbanza, desenvolverase a partir das 12.00 horas nas Escolas Velhas de Asados, en Rianxo.
Tocaranse cuestións como o compromiso a agrupación local Airiños polo galego, o galego na empresa ou o galego no ensino.
Intervirán Xesús Santos, mestre, historiador e ex-director do grupo de teatro Airiños (Asados), Eloi Sobradelo Vicente (consultor de empresa, profesor de economía no ensino medio) e Lali Agrelo Costas (docente da Facultade de Educación da Universidade de Vigo).
A encargada de moderar a mesa será Sofía Carou Ces, bibliotecaria da Biblioteca Municipal Pública de Rianxo.
Será unha xornada aberta e participativa para todos os públicos.
Organiza como dixemos Queremos Galego Barbanza.
