Un ano máis, Porto do Son celebrou a súa tradicional Xuntanza da Confraternidade, un emotivo evento dedicado a recoñecer e homenaxear aos máis maiores do municipio.
A xornada comezou coa celebración dunha misa na igrexa de San Vicente de Noal, amenizada polo Coro Parroquial de Porto do Son. Posteriormente, os asistentes reuníronse nun xantar colectivo, que tivo lugar na carpa da zona portuaria, promovendo un ambiente de encontro e compañeirismo.
O alcalde, Luis Oujo, participou activamente na celebración, destacando a importancia da iniciativa. “Esta xuntanza é esencial, xa que funciona como un verdadeiro punto de encontro e confraternización para os nosos maiores”, sinalou.
Un acto que reafirma o compromiso do municipio co recoñecemento e benestar dos seus veciños de maior idade, fortalecendo os lazos comunitarios nunha xornada de celebración e gratitud.
O xerente do Consorcio Galego de Servizos de Igualdade e Benestar, Perfecto Rodríguez, participou tamén na XXIII Xuntanza de Confraternidade dos Maiores de Porto do Son que se celebrou nos xardíns da zona portuaria.
Perfecto Rodríguez destacou a importancia destes encontros que permiten ás persoas maiores desfrutar dunha xornada de lecer. Neste sentido, recordou o compromiso da Xunta de Galicia co envellecemento activo e animou aos presentes a participar nos programas que ten o Goberno galego neste ámbito como Xuntos polo Nadal ou Benestar en Balnearios.
