O Concello de Ribeira comunicou a intensificación dos servizos xerais de limpeza en toda a cidade durante a tempada estival. A concelleira de Servizos Municipais, Tania Redondo, anunciou un aumento no persoal tanto nas praias como nas rúas, así como un reforzo nos labores dos equipos lavacontenedores todos os días da semana.
A edil lembrou que a limpeza e o baldeo realízanse diariamente na cidade e referiuse aos contedores e papeleiras, explicando que “aínda que os equipos lavacontenedores –tanto os de carga lateral como os de carga traseira– traballaban de forma alterna, agora farano a diario”.
Ademais, solicitou á cidadanía que trate de respectar o recollida de lixo, que é de 21:00 a 6:00 horas. Este horario contribúe a manter os contedores sen desbordamentos.
Para atender todas as necesidades que poidan xurdir, reforzarase a limpeza xeral entre o 15 de xuño e o 15 de setembro, para isto tamén cóntase con 5 persoas que traballarán puntualmente nas zonas máis demandadas. Esta medida ten como obxectivo garantir que tanto os residentes como os visitantes gocen dunha contorna limpa e acolledora durante os meses de maior afluencia turística. Ademais, Redondo destacou a importancia da colaboración cidadá no mantemento da cidade, instando a todos a facer un uso responsábel das instalacións de reciclaxe e a evitar lanzar lixo en lugares inapropiados.
En paralelo, levaranse a cabo campañas de concienciación ambiental, con actividades dirixidas a diferentes grupos de idade, para fomentar hábitos sostíbel e o respecto pola contorna natural. Estas iniciativas buscan non só manter a limpeza urbana, senón tamén promover un cambio de mentalidade cara a prácticas máis ecolóxicas e responsábeis.
Para concluír, dixo, “é fundamental sinalar que este esforzo conxunto entre as autoridades municipais e a cidadanía é crucial para preservar a salubridade de Ribeira”.
En canto á limpeza de herbas, ata o de agora o Concello contaba con só 2 operarios activos, xa que 3 estaban de baixa. A concelleira explicou que dende o Concello tamén se está a solicitar a outras administracións como Xunta e a Deputación que acometan a realización das rozas nas estradas das súa competencia. Redondo recrimina que “a falta de actuación por parte da Xunta provoca que os medios municipais teñan que realizar ese traballo e, polo tanto, apracen os traballos noutros lugares”.
E engadiu: “A pesar destes inconvenientes, poñeremos todo o noso esforzo para abordar os problemas existentes. A semana pasada, comezamos coa incorporación de 4 novos operarios grazas ao Plan de Emprego Local e esperamos que nunhas semanas se incorporen dous operarios máis do programa PROL”, explicou.
Segundo informan dende Servizos Municipais, cada parroquia ten unha estimación duns 20 días para completar a súa limpeza. “Estamos comprometidos a manter cada recuncho de Ribeira en óptimas condicións pero o concello é moi extenso e por iso agradecemos o bo entendemento da cidadanía”.
Ademais, están a implementarse novos sistemas de seguimento para garantir que o progreso dos labores de limpeza leve a cabo de maneira eficiente e nos tempos establecidos. Este enfoque permitirá identificar e solucionar calquera problema que poida xurdir, asegurando así que cada parroquia reciba a atención axeitada”.
Por outra banda o departamento de xardinería está renovando as macetas con novas plantas e co mantemento habitual.
