Comezou o mes de maio e en Rianxo a Asociación Fogo Fatuo preparou un completo programa de actividades para conmemorar a cultura galega e o 17 de maio. A axenda dá comezo este sábado 3 de maio co Pasabares da Primavera, organizado por Fogo Fatuo. Consistirá, se o tempo o permite, nunha ruada dos músicos e pandereteiras da asociación polos establecementos hostaleiros da Rianxo. Celebrarase a partir das 20.00 horas.
Ademais, a asociación prepara para o 17 de maio o Concerto do XXII Aniversario da Banda da Escola de Música de Rianxo, encadrado na celebración do Día das Letras Galegas. Será ás 12.00 horas no Campo de Arriba. Haberá, en palabras das organizadoras e organizadores, “música, tradición e emoción”. Actuarán a Banda da Escola de Música de Rianxo, o Coro do CEIP Ana Mª Diéguez, As Pandereteiras de Vai de Roda e O Baile de Fogo Fatuo.
