O Centro Social de Boiro acolle este domingo 18 de maio a segunda edición do Torneo Escolar de Xadrez Concello de Boiro, a partir das 11.00 horas (ata as 14.00 horas).
A proba desenvolverase seguindo o sistema suízo a 6 roldas (método de emparellamento onde os xogadores se enfrontan a opoñentes con puntuacións semellantes en cada rolda, no canto de xogar un sistema de todos contra todos, o que permite aseguirar un equilibrio competitivo xusto).
Haberá trofeos para as/os tres primeiras/os clasificadas/os e para as/os tres primeiras/os locais nas diferentes categorías: sub-12, sub-10 e sub-8, ademais do premio participativo.
Organiza o Departamento de Deportes do Concello de Boiro coa colaboración de XOGADE (Xogos Galegos Deportivos en Idade Escolar).
