No marco da celebración do Día das Letras Galegas e co obxectivo de xuntar (e conmemorar) deporte e cultura, a Concellería de Deportes do Concello de Outes organiza a XVI Carreira Pedestre de Outes, prevista para o sábado 17 de maio de 2025 a partir das 10.00 horas, con saída e chegada na praza de Galicia.
As inscricións poderán formalizarse ata as 13.00 horas deste martes 13 de maio a través da web de cronotec.es. Poderán participar as seguintes categorías, con diferentes horarios e distancias:
10K: veteranos (A e B), sénior e promesa
3K: sénior, xuvenil e cadete
1K: infantil e alevín
Os menores correrán no Campo Municipal do Conchido: benxamín (450 horas), prebenxamín (225 metros), pitufos (100 metros) e chupetes (50 metros).
No Pavillón da Serra de Outes, dentro do Campo de Fútbol, poderanse retirar os dorsais e os chips ata 30 minutos antes do comezo da carreira.
