Ocorreu nunha pista próxima á N-550, na parroquia de Cruces. Foi un particular quen alertou ao 112 Galicia dez minutos despois das 23:30 horas do martes, e sinalaba que podía haber persoas feridas.
Con esta información, os xestores do Centro Integrado de Atención ás Emerxencias solicitaron a intervención de Urxencias Sanitarias de Galicia-061, da Garda Civil de Tráfico e do GES de Padrón.
Os servizos de emerxencias confirmaron unha vez no punto que había cinco persoas feridas, todas elas trasladadas ao Hospital HM Rosaleda de Santiago.
