A paixón polas motos volverá a sentirse en Rianxo cunha nova edición da Concentración Moteira promovida por Jas A Tope, en colaboración co Concello de Rianxo. Segundo informaron, o 30 e o 31 de maio, así como o 1 de xuño, haberá música, actividades para todos e todas e, por suposto, “moitas motos”.
O programa comeza o venres 30 polo serán, ás 19.00 horas, e prosegue ás 20.30 horas cun espectáculo de stunt. Pola noite haberá churrascada, queimada e, a partir da medianoite, unha actuación con Mínimo Eventos. Ao día seguinte, logo do almorzo, haberá sesión vermú moteira e mexillonada, e tamén xantar colectivo e, pola tarde, gardarase un minuto de silencio polos compañeiros e compañeiras falecidos. Ás 18.00 comezará a saída da ruta mototurística polo concello rianxeiro, que culminará polo serán na carpa habilitada (cunha pinchada) e, máis tarde, cun novo espectáculo de stunt e unha ruta nocturna.
O domingo volverá celebrarse unha nova ruta moteira e unha pinchada matutina na carpa, que culminará co xantar colectivo.
