A xira de Galicia sabe aMar, iniciativa itinerante da Xunta (Consellería do Mar) para reivindicar e impulsar o consumo de peixes e mariscos, vai facer unha parada en Portosín, onde poderemos atopar a foodtruck os días 30 e 31 de maio (venres e sábado), concretamente na praza do Curro e acompañando á mostra De Pobra a Portosín tapeando polo mar. Haberá información e degustacións dos nosos produtos pesqueiros.
Dentro do programa de actividades previsto, o sábado 31 de maio ás 12:00 horas celebrarase a presentación da anchoa da Confraría de Pescadores San Andrés de Portosín, coa presenza de Patricia García Sanchez, directora xeral de Pesca.
O proxecto De Pobra a Portosín tapeando polo mar xestionado pola Xunta de Galicia, fai parada na nosa localidade logo de ter a súa primeira cita na Pobra.
Galicia sabe aMar é é unha campaña da Xunta de Galicia que nace no verán de 2021 para animar á cidadanía a través da retranca galega e os dobres sentidos a consumir produtos do mar, impulsar a súa venda e poñer en valor o labor dos profesionais da pesca e do marisqueo.
En cada parada da xira os visitantes poden degustar algún dos moitos petiscos pensados para a campaña e realizados a base de produtos certificados do mar e da terra.
