A Agrupación de Voluntarios de Protección Civil da Pobra do Caramiñal foi distinguida este sábado coa placa ao mérito en categoría de ouro outorgada pola Asociación Nacional de Agrupaciones de Voluntarios de Protección Civil, en recoñecemento aos seus 25 anos de servizo á comunidade.
Durante o acto tamén se condecorou aos efectivos que participaron na emerxencia ocasionada pola borrasca Dina en Valencia, destacando así o seu compromiso máis alá do ámbito local.
O alcalde, José Carlos Vidal, estivo presente na entrega e aproveitou para expresar o seu agradecemento ao corpo de voluntarios, cualificando o seu labor como “esencial” para a seguridade e o benestar da cidadanía.
