A Policía Local de Rianxo e o Concello informaron dunha mellora importante de seguridade viaria na contorna do CEIP Castelao na rúa Arcos Moldes, onde foi instalada sinalización específica que contribuirá non só a mellorar os accesos ao centro educativo, senón tamén a dar un servizo axeitado aos usuarios do centro e a protexer aos nenos e ás familias.
En concreto, colocouse sinalización para habilitar varias prazas reservadas para o estacionamento de vehículos para persoas usuarias do centro escolar, con vistas a facilitar que se poida deixar e recoller ao alumnado nas entradas e saídas nos días lectivos.
En concreto, habilitáronse dúas prazas reservadas para o estacionamento de vehículos de persoas con mobilidade reducida, reforzouse a sinalización xa existente para o estacionamento dos autobuses escolares e, ademais, sinalizouse unha nova zona para carga e descarga próxima aos establecementos comerciais da referida rúa.
“Con ditas actuacións”, informou a Policía Local de Rianxo, “inténtase mellorar a seguridade e fluidez do tráfico, para disuadir estacionamentos irregulares que se estaban a producir principalmente sobre as beirarrúas”.
