A Asociación de Empresarios de Ribeira celebrou este martes 6 de maio o sorteo da campaña do Día da Nai, que, como lembraremos, veu estea ano cun destacado premio de 1.000 euros para gastar nun día, ao que se sumou unha cea e dúas cestas de compra valorada en 50€. Con estes galardóns a patronal de Ribeira quixo recompensar e pór en valor a aposta polo comercio local da veciñanza. A asociación fixo saber que nesta edición 2025 acadouse unha participación récord, con 3.737 tíckets rexistrados, fronte aos 2.646 do ano pasado, o que supón un aumento moi destacado na implicación da veciñanza co comercio de proximidade. “Estes datos reflicten o éxito da campaña e o apoio ao comercio local”, sinalaron dende a patronal.
As persoas gañadoras foron:
– 1000€ Yolanda Paz por comprar en Marfil.
– Unha cea Mercedes Fungueiriño por comprar en Xade Complementos.
– Unha cesta da compra José Ramón Santamaría por comprar en Decorlux.
– Unha cesta da compra Antonio Sampedro pro comprar en O Capricho.
Dende a Asociación de Empresarios de Ribeira a directiva agradeceu a implicación de todas as persoas participantes pola súa confianza, así como aos comercios locais pola súa colaboración e compromiso “cunha iniciativa que busca dinamizar o consumo nas datas máis especiais”.
Esta actividade estivo co-financiada pola Xunta de Galicia.
