A asemblea do BNG Ribeira revalida a Rafael Pazos e Xana Ledo como responsables da organización

01 Maio 2025

O Bloque Nacionalista Galego de Ribeira celebrou recentemente a súa asemblea local, na cal a militancia decidiu reelixir a Rafael Pazos Rodríguez como responsable local da organización. Xunto a el, tamén foi reelixida Xana Matilde Ledo Díaz como vicerresponsábel local.

Rafael Pazos xa fora escollido pola militancia en agosto de 2023 para liderar a fronte nacionalista en Ribeira, tras o histórico cambio de goberno municipal que levou o BNG á alcaldía da cidade. A súa continuidade no cargo responde ao recoñecemento do traballo realizado e á vontade da militancia de afondar na consolidación do proxecto político do BNG no municipio.

Durante a mesma asemblea constituíuse o novo Consello Local, órgano de dirección política do BNG de Ribeira, que estará conformado por: Antía Alberte Maneiro, Genoveva Betanzos Fernández, Óscar Casais Montemuíño, Xosé Manuel Grueiro Sixto, María del Carmen Lampón Agrelo, Xana Matilde Ledo Díaz, Vicente Paz Carou, Rafael Pazos Rodríguez, Luís Pérez Barral, Jorge Ramallo Paz, María Cruz Rivadulla Márquez, Mónica Rodríguez Fernández, Silvia Varela Rodríguez e Xabier Vidal Peón.

Ao remate da asemblea, Rafael Pazos manifestou que “o obxectivo do BNG en Ribeira é seguir na senda do cumprimento dos compromisos adquiridos nas pasadas eleccións municipais coa veciñanza, continuar ao seu carón na defensa e mellora dos servizos públicos e transformar Ribeira cun novo modelo de cidade para ser un referente de vila sostible, accesible e verde”.

Así mesmo, engadiu que “traballaremos arreo para construír un BNG local máis forte, sumando militantes e apoios, mellorando os resultados acadados nas últimas municipais. “Sabemos que imos polo bo camiño porque moita xente está contenta e temos moi claro o proxecto de vila que queremos e, na seguinte cita electoral, imos a por todas para seguir sumando en positivo”.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.