O Concello da Pobra do Caramiñal amosou a súa inquietude pola situación das verteduras rexistradas na zona da Ribeiriña. O alcalde, José Carlos Vidal, asegurou que o contacto con Costas de Galicia é constante para tratar o problema “ca seriedade e rigorosidade que merece”.
Segundo explicou o rexidor, está pendente a elaboración dun informe que determine a orixe exacta das verteduras. Vidal indicou que “é altamente probable que garden relación coa obra de rexeneración ambiental realizada por Costas na zona”, pero subliñou a importancia de confirmar se hai outros puntos de orixe posibles. Ademais, mencionou estar en contacto cos propietarios da Nave de Hadasa, que podería estar relacionada coas verteduras.
Beatriz González Penalta, técnica de Medio Ambiente do Concello, destacou que todos os documentos solicitados foron enviados e subliñou que a solución definitiva require a implicación da Xunta de Galicia e Costas de Galicia.
O Concello reafirma o seu compromiso de abordar este problema ambiental con rigor e transparencia, traballando en colaboración para garantir unha solución adecuada.
