O Concello de Muros asinou o convenio de colaboración anual cos clubs de remo Urme, Esteirana e Muros.
“O remo é máis que un deporte en Muros, polo que desde o Concello estamos na obriga de apoiar as actividades dos clubs, que fomentan ademais os hábitos de vida saudables entre as nenas e os nenos”, asegurou a alcaldesa, María Lago.
Pola súa banda, o concelleiro de Deportes, Damián Torea, sinalou que “esta axuda económica que anualmente reciben os clubs destínase á organización de regatas, a desprazamentos ou material, uns clubs que moven a un gran número de persoas de tódalas idades e dan opción de practicar un deporte tan arraigado ao noso concello”.
