O Concello de Boiro recibiu da Consellería de Cultura, Lingua e Xuventude unha subvención por importe de 1.550,38 euros para a adquisición de novidades editoriais en galego para a mellora das coleccións das bibliotecas integradas na Rede de bibliotecas públicas de Galicia.
Mediante esta subvención a Administración local realiza a adquisición de novidades literarias para seguir aumentando a oferta das bibliotecas municipais con propostas para público infantil, xuvenil e tamén adulto para o préstamo de libros.
O Concello de Boiro conta con dúas bibliotecas integradas na Rede de bibliotecas de Galicia, a Axencia de Lectura Municipal de Escarabote, situada no Centro Social de Escarabote, e a Biblioteca Municipal de Boiro, instalada provisionalmente no Centro Social de Boiro.
