A Pobra do Caramiñal delega, a partir deste ano 2025, a recadación dos impostos directos e multas e tráfico á Deputación da Coruña por motivos loxísticos, mentres que conserva a recadación da taxa do lixo. O concelleiro de facenda, Eloy Sobrido García, quixo esclarecer a motivación deste cambio, deixando en claro o que: “O servizo funcionaba moi ben, rozando o 85% na recadación voluntaria, mais para non sobresaturar á Tesourería do Concello consideramos axeitado realizar este cambio”.
Preguntado polos cambios que isto suporá para a veciñanza, o concelleiro engadiu: “Todos os tramites necesarios poderanse facer dende o Concello. O Servizo de Recadación municipal está preparado para realizar calquera trámite que calquera veciño precise dende alí mesmo, sen necesidade de trasladarse a outros concellos. A diferencia estará en que non se realizarán os pagos directamente no Concello, pero poderanse realizar en calquera banco colaborador ou solicitar a domiciliación dos recibos dende o propio Concello, coma sempre. “, puntualizaba Eloy Sobrido.
Asemade, o concelleiro aclara as posíbeis dúbidas sobre os períodos de pago: “Este ano o imposto aos vehículos chegará, seguramente, en setembro, na vez de chegar agora nestes meses de marzo e abril, pois aínda están tratando a base de datos na Deputación. Esta situación é extraordinaria deste ano, recuperándose nos a partir do ano que vén os prazos habituais, entre o mes de marzo e abril”.
Sobrido rematou recalcando que “a medida será beneficiosa para o bo funcionamento da Administración local, permitindo reforzar os departamentos de Intervención e Tesourería”.
