“Iribarne”, da rianxeira Esther Carrodeguas, faise con nove dos Premios de Teatro María Casares, edición XXIX

04 Abril 2025

A Asociación de Actores e Actrices de Galicia (AAAG) deu a coñecer finalmente o palmarés da XXIX edición dos Premios de Teatro María Casares, na gala celebrada este xoves 3 de abril no Teatro Rosalía de Castro. Nun posto destacado atópase a función Iribarne, de ButacaZero e escrita pola dramaturga rianxeira Esther F. Carrodeguas, que foi a gran triunfadora da noite ao facerse con nove dos doce premios aos que aspiraba: espectáculo, dirección (Xavier Castiñeira), dirección de movemento (Sabela Domínguez), texto orixinal (Esther F. Carrodeguas), actor protagonista (Anxo Outumuro), actriz protagonista (Lidia Veiga), espazo sonoro (Berto), vestiario (Diego Valeiras) e espazo escénico (Diego Valeiras e Xavier Castiñeiras), galardón este último compartido con O dragón de ouro, que tamén foi unha das pezas protagonistas da gala, ao levarse catro dos galardóns: adaptación-tradución (Catuxa Pato), actriz secundaria (Sabela Gago), Iluminación (Laura Iturralde) e espazo escénico (Iris Branco).

Como dixemos, Iribarne é unha obra teatral da autora rianxeira Esther F. Carrodeguas, producida pola compañía ButacaZero que dirixe Xavier Castiñeira. Iribarne é un intento (irreverente) por comprender como chegamos ata aquí a este punto da nosa historia camiñando da man dun deses personaxes secundarios pero absolutamente imprescindíbeis da Fermosísima Historia desta España Miña (esta España Nuestra). En palabras da autora, é “o traballo máis difícil que escribín ata a época, e máis tendo en conta “o extenso da biografía de Fraga.

Carrodeguas engade que “foi complexo atopar o punto de equilibrio do humor, do estilo, así como o lugar desde o que posicionarse”.

“Este personaxe é inabarcábel”, destaca pola súa banda Xavier Castiñeira nunha entrevista recente, engadindo que se ben entende o que fixo Manuel Fraga, “non entende desde onde o fixo e por que fíxoo”. Ambos salientan que pertencen a unha xeración, a da Transición, que creceu rodeada de “un silencio tácito ao redor da historia política recente”, e embarcarse neste proxecto axudoulles a entender de onde vimos.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.