O Concello de Muros anunciou que vén de rematar os traballos de mellora no camiño do Maio, na parroquia de Esteiro. A actuación incluíu a renovación do firme, a limpeza das cunetas e a mellora dos accesos ás vivendas. “Estamos a facer obras pensadas para durar, dentro dun plan que nos permita atender, a medio prazo, todas as necesidades das parroquias”, explicou a alcaldesa, María Lago.
Pola súa banda, a concelleira de Obras, Laura Rivadeneira, engadiu que “queremos que todos os camiños estean en boas condicións, tanto para quen se despraza a pé como para quen usa o coche, vivan onde vivan. Seguimos a investir con planificación e responsabilidade na mellora das infraestruturas das parroquias, garantindo servizos de calidade e mellores condicións de vida para toda a veciñanza”.
O Concello publicou no Facebook un vídeo ilustrativo coas obras realizadas.
